Es de quen necesita mel bo, bonito e barato para este inverno? Xoves, 5 de novembro. Son José Antonio, e isto é Conxecturas. Chegoume hoxe un whatsapp para que me unise á compra colectiva de mel do Caurel, calidade asegurada. Sigo sorprendéndome do ben que funcionan estes mercados alternativos, alleos á realidade de tendas e centros comerciais (xa non digo nada de amazons e alixpres). Ofrecéronme de laranxas, que cruzaban toda a Península para seren repartidas entre compradores necesitados de zume da mañá; de aceite de oliveira, calidade cooperativa para os teus xantares, e mesmo de televisores. E non triunfan por cuestión de prezo! Porque quen se apunta a estas compras paga ben, coa promesa de que o produto é de calidade, directamente do vendedor, sen intermediarios (aínda que non sei no caso das teles). E o IVE? Non che sei. Todo pola prodción local.