Os negros non existen. Xoves, día do Carme. Son José Antonio, e isto é Conxecturas. Con esta frase tan impactante titulábase unha actividade pensada para alumnado de 2º ESO. Daba para a reflexión e para o debate. Había un alumno que estaba totalmente en desacordo e non paraba de xesticular mostrando desaprobación. Tomou a palabra e dixo: "Como que no? Nosotros, los blancos...". Fíxose un silencio. Jonatán, alumno de etnia xitana, continou a súa intervención observado polo resto do alumnado paio. Onte me contaban como se confunde o concepto biolóxico de raza, que si existe para outras especies (animais e vexetais), mais que non ten base cientítica para os seres humanos (o homo sapiens sapiens). Se aínda existen persoas que cren no terraplanismo, canto tardaremos en asumir coma sociedade esta realidade, a raza como construción ideolóxico?